XV

Tum prīmum ē campō^[1] comitia^[2] ad patrēs trānslāta sunt: nam ad eam diem, etsī potissima arbitriō prīncipis, quaedam tamen studiīs tribuum^[3] fīēbant. neque populus adēmptum iūs questus est nisi inānī rūmōre, et senātus largītiōnibus ac precibus sordidīs exsolūtus^[4] libēns tenuit, moderante Tiberiō nē plūrēs quam quattuor candidātōs commendāret^[5], sine repulsā et ambitū dēsignandōs. inter quae^[6] tribūnī plēbeī petīvēre, ut propriō sūmptū ēderent lūdōs, quī dē nōmine Augustī fāstīs additī Augustālēs vocārentur. sed dēcrēta pecūnia ex aerāriō, utque per circum triumphālī veste ūterentur: currū vehī haud permissum. mox celebrātiō annua ad praetōrem trānslāta, cui inter cīvēs et peregrīnōs iūrisdictiō ēvēnisset^[7].

Recitātiō

Recitātiō tarda ad faciliōrem perceptiōnem apta.

Adnotātiōnēs

↑ ē campō Mārtiō.
↑ = ēlēctiō magistrātuum.
↑ = populī.
↑ largītiōnibus exsolūtus: cum iūs magistrātuum ēligendōrum apud populum fuit, senātōribus (qui et candidātī fuerint) opus fuit populum dōnīs ĕmĕre.
↑ moderante Tiberiō sē, nē ... (Tiberius) commendāret.
↑ = intereā.
↑ celebrātiō (= onus celebrātiōnem vel lūdōs ēdendī) trānslāta est ad eum praetōrem, cui ... iūrisdictiō sorte ēvēnisset.

[1] ē campō Mārtiō.

[2] = ēlēctiō magistrātuum.

[3] = populī.

[4] rgītiōnibus exsolūtus: cum iūs magistrātuum ēligendōrum apud populum fuit, senātōribus (qui et candidātī fuerint) opus fuit populum dōnīs ĕmĕre.

[5] rante Tiberiō sē, nē ... (Tiberius) commendāret.

[6] = intereā.

[7] rātiō (= onus celebrātiōnem vel lūdōs ēdendī) trānslāta est ad eum praetōrem, cui ... iūrisdictiō sorte ēvēnisset.

[1]

[2]

[3]

[4]

[5]

[6]

[7]