XVIII

Adstrepēbat vulgus, dīversīs incitāmentīs, hī verberum nŏtās, illī cānitiem, plūrimī dētrīta^[1] tegmina^[2] et nūdum corpus exprobrantēs. postrēmō eō fŭrōris vēnēre, ut trēs legiōnēs miscēre in ūnam agitāverint. dēpulsī aemulātiōne, quia suae quisque legiōnī eum honōrem^[3] quaerēbant, aliō vertunt atque ūnā trēs aquilās et signa cohortium locant; simul congerunt caespitēs^[4], exstruunt tribūnal, quō magis cōnspicua sēdēs foret. properantibus^[5] Blaesus advēnit, increpābatque ac retinēbat singulōs, clāmitāns ‘meā potius caede imbuite manūs: leviōre flāgitiō^[6] lēgātum interficiētis quam ab imperātōre dēscīscitis. aut incolumis fīdem legiōnum retinēbō, aut iugulātus paenitentiam adcelerābō.’

Recitātiō

Recitātiō tarda ad faciliōrem perceptiōnem apta.

Adnotātiōnēs

↑ dēterō -trīvī -trītum 2.
↑ teg(i)men -inis n: vestīmentum.
↑ honōrem: nōn dissolvī, sed mīlitēs aliārum duārum legiōnum accipere et augērī.
↑ caespes -itis m: “terra in modum lateris caesa cum herbā.”
↑ vel datīvus vel ablātīvus absolūtus.
↑ = levius flāgitium erit, sī...

[1] dēterō -trīvī -trītum 2.

[2] teg(i)men -inis n: vestīmentum.

[3] ōrem: nōn dissolvī, sed mīlitēs aliārum duārum legiōnum accipere et augērī.

[4] caespes -itis m: “terra in modum lateris caesa cum herbā.”

[5] vel datīvus vel ablātīvus absolūtus.

[6] = levius flāgitium erit, sī...

[1]

[2]

[3]

[4]

[5]

[6]