XXIX

Drūsus ortō diē et vocātā contiōne, quamquam rŭdis dīcendī, nōbilitāte ingenĭtā incūsat priōra, prŏbat praesentia; negat sē terrōre et mĭnīs vincī: flexōs ad modestiam sī videat, sī supplicēs audiat, scrīptūrum patrī ut plācātus legiōnum precēs exciperet. ōrantibus^[1] rūrsum īdem Blaesus^[2] et L. Apōnius, equĕs Rōmānus ē cohorte Drūsī, Iūstusque Catōnius, prīmī ōrdinis centuriō, ad Tiberium mittuntur. certātum^[3] inde sententiīs, cum aliī opperiendōs^[4] lēgātōs atque interim cōmitāte permulcendum mīlitem cēnsērent, aliī fortiōribus remediīs agendum: nihil in vulgō mŏdicum; terrēre, nī paveant; ubi pertimuĕrint, inpūnĕ contemnī: dum superstitiō urgeat, adiciendōs ex dŭce metūs sublātīs^[5] sēditiōnis auctōribus. prōmptum ad asperiōra ingenium Drūsō erat: vocātōs Vibulēnum et Percennium interficī iubet. trādunt plērīque intrā tabernāculum ducis obrŭtōs^[6], aliī corpora extrā vallum abiecta ostentuī.

Recitātiō

Recitātiō tarda ad faciliōrem perceptiōnem apta.

Adnotātiōnēs

↑ ōrantibus iīs: ablātīvus absolūtus.
↑ is tribūnus, fīlius Iūnī Blaesī, quī et anteā lēgātiōne fūnctus erat.
↑ apud cōnsultōrēs Drūsī.
↑ opperior oppertus sum dep 4: exspectāre. (nē cōnfundās cum hōc verbō: operiō -uī -tum 4: cēlāre, tegere.)
↑ tollō sustulī sublātum 3: levāre; submovēre; necāre.
↑ obruō -ruī -rŭtum 3: tegere, hŭmāre, sĕpelīre.

[1] ōrantibus iīs: ablātīvus absolūtus.

[2] s tribūnus, fīlius Iūnī Blaesī, quī et anteā lēgātiōne fūnctus erat.

[3] ud cōnsultōrēs Drūsī.

[4] opperior oppertus sum dep 4: exspectāre. (nē cōnfundās cum hōc verbō: operiō -uī -tum 4: cēlāre, tegere.)

[5] tollō sustulī sublātum 3: levāre; submovēre; necāre.

[6] obruō -ruī -rŭtum 3: tegere, hŭmāre, sĕpelīre.

[1]

[2]

[3]

[4]

[5]

[6]