XXXII

Nec lēgātus obviam ībat^[1]: quippe plūrium vaecordia cōnstantiam^[2] exēmerat. repentĕ lymphātī dēstrĭctīs gladiīs in centuriōnēs invādunt: ea vetustissima mīlitāribus odiīs māteriēs et saeviendī prīncipium. prōstrātōs verberibus mulcant, sexāgēnīs singulōs, ut numerum centuriōnum adaequārent: tum convulsōs laniātōsque et partim exanimōs ante vallum aut in amnem Rhēnum prōiciunt. Septĭmius^[3] cum perfūgisset ad tribūnal pedibusque Caecīnae advolverētur, eō usque flāgitātus^[4] est, dōnec ad exitium dēderētur. Cassius Chaerĕa, mox caede Gāī Caesaris^[5] memoriam apud posterōs adeptus, tum adulēscēns et animī ferōx, inter obstantēs et armātōs ferrō viam patefēcit. nōn tribūnus ultrā, nōn castrōrum praefectus iūs obtinuit: vĭgiliās, statiōnēs, et sī quă alia praesēns ūsus indīxerat, ipsī partiēbantur. id mīlitārēs animōs altius coniectantibus^[6] praecipuum indicium magnī atque inplācābilis mōtūs, quod neque disiectī^[7] aut paucōrum īnstīnctū, set pariter ardēscerent, pariter silērent, tantā aequālitāte et cōnstantiā, ut rĕgī crēderēs.^[8]

Recitātiō

Recitātiō tarda ad faciliōrem perceptiōnem apta.

Adnotātiōnēs

↑ obviam īre: resistere, adversārī (ut Blaesus fēcisset).
↑ cōnstantiam lēgātī.
↑ centuriō quīdam.
↑ flāgitō -āvī -ātum 1: poscere. (nē cōnfundās cum hōc verbō: flăgellō -āvī -ātum 1: verberāre.)
↑ = Calĭgulae imperātōris.
↑ datīvus.
↑ = sparsī.
↑ id, quod velut ūnō animō agerent (adeō ut rĕgī crēderēs), praecipuum magnī atque inplācābilis mōtūs indicium erat iīs, quī animōs mīlitum coniectārent.

[1] obviam īre: resistere, adversārī (ut Blaesus fēcisset).

[2] ōnstantiam lēgātī.

[3] turiō quīdam.

[4] flāgitō -āvī -ātum 1: poscere. (nē cōnfundās cum hōc verbō: flăgellō -āvī -ātum 1: verberāre.)

[5] = Calĭgulae imperātōris.

[6] tīvus.

[7] = sparsī.

[8] , quod velut ūnō animō agerent (adeō ut rĕgī crēderēs), praecipuum magnī atque inplācābilis mōtūs indicium erat iīs, quī animōs mīlitum coniectārent.

[1]

[2]

[3]

[4]

[5]

[6]

[7]

[8]